15.8.06

Jæja, þá eru Gilmore Girls - A.k.a. Spíttmæðgur - búnar. Bót í máli er náttúrulega að ofurkvendið hún Veronica Mars er að koma í staðinn. Fóstbræður voru greinilega on to something þegar þeir lofsungu þriðjudagskvöld forðum daga.

GG kláruðust fyrir viku, þann 8.8. Því vekur það furðu mína að fyrsti þáttur VM sé ekki í kvöld, heldur eftir viku, þann 22.8. Vott ðe fökk givs?!?

Jú, gat það nú verið. Enn einu sinni ganga Íslendingar með þá skittsófrenísku ranghugmynd að "strákarnir okkar" geti Jakob Skít í fótbolta og flykkjast froðufellandi og slefandi inn á þetta hálfkláraða steypuhrúgald hjá Laugum, stingandi sig á steypujárnum og fáandi kranabómur í hausinn. Auðvitað kóar hið skitna RÚV með þessu liði og karpettbombar í tætlur alla von um sómasamlega þriðjudagsdagskrá.

Þetta er að sjálfsögðu leikur með nákvæmlega engan konsekvens, það eina sem Spánn, Ítalía, England - gott ef ekki Zambía, Albanía og Burkina Faso - nenna að svo mikið sem að reima fótboltaskóna sína fyrir eru VINÁTTULEIKIR við íslenska liðið (takið eftir hvernig ég tala ekki um "okkur" eða "strákana okkar").

Kannski - þ.e. ef spánska liðið nennir að eyða einhverjum smá kröftum í einhvern helvítis óþarfa - vinna meðlimir íslenska fótboltaliðsins leikinn. Vá. Eftir stendur 3ja sekúndna aukning í desibelafjölda vegna áhorfenda í ca. 200 m radíus frá Laugardalsvelli. Í 2, kannski 3, skipti.

Ekkert annað.

Já, og talandi um þetta steinsteypuhrúgald undir rassgöt fótboltaáhorfenda: Í nærfellt heilt ár hafa þessar HEEEEELVÍTIS byggingarframkvæmdir þvælst fyrir mér á leið minni til og frá Laugum. Sjitt, maður! Það er búið að fresta byggingu tónlistarhúss, jarðgöngum, vegagerð á Vestufjörðum, og Guðsi Himnadraugur má vita hverju vegna þenslu. Ekki þessu. Þetta verður notað einu sinni á ári. Í mesta lagi. Cartmanrödd!

Jafnmikið og ég nú hata og fyrirlít fótbolta af öllum lífs og sálar kröftum, þá viðurkenni ég nú samt að ég horfði á HM á Ítalíu, þ.e. undanúrslit og úrslit. Ég var á hóteli á Rimini, inni í hverfi nálægt ströndinni og þarna var upp-á-líf-og-dauða fílingurinn í ÖLLUM í hverfinu gjörsamlega áþreifanlegur. Sem var...kinda kúl.

Þetta er svo vangefnislega ekki keisið hér: Íslenska landsliðið á líklega - og vonandi - eftir að tapa. Þá kemst kannski 0,1% af þeirri staðreynd inn í kollinn á fólki að

ÍÍÍÍÍÍSSSSSLLLLLLEENNNNSSSSKAAA
LLLLAAAAANNNDDDDDSSSSLLLIIIÐÐÐIIIIÐÐÐ
GGGGGGGEEEEETTTTTTTUUUURRRRRR
EEEEEEKKKKKKEEEEEEEERRRRRRRTTTTTTTT
ÍÍÍÍÍÍÍÍÍÍÍÍÍÍÍÍÍÍÍÍÍÍÍÍÍÍÍÍÍÍÍÍÍÍÍÍÍÍÍÍÍÍÍÍÍÍÍÍÍÍÍÍÍÍÍÍÍÍÍÍÍÍÍÍÍÍÍÍÍ
FFFFFÓÓÓÓÓÓÓÓTTTTTBBBBBOOOOLLLLLLTTTTTAAAAAA
!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!

Svo eftir 999 vináttuleiki í viðbót - sem klárast kannski sumarið 2150, eða þar um bil - verður þá loksins hægt að rífa þessa ógjéðslegu helvítis stúku, gera göngustíga þvers og kruss um fótboltavöllinn og hægt að lifa við þá staðreynd að íslenska landsliðið verður nr. 345 á heimslistanum (eftir að öll ríki heimsins hafa klofnað í 2-3 smærri og geta samt - þrátt fyrir blóðugar styrjaldir - MEIRA í fótbolta en íslenska landsliðið).