Hvur assgoti!

Pattí toppaði allar væntingar mínar, sem voru nú eitthvað smá. Spilaði rjómann af Horses, eitt Radio Ethiopia og gamla slagara - var m.a.s. gengin í lið með Snarrótar-"hryðjuverkamönnunum" í antí-Alcoa/Landsvirkjunaráróðri.

Flottur performans hjá sextugri (reyndar á næsta ári en, hey!) konunni, helvíti magnað að sjá allra, allra fyrsta pönkarann (ein af nokkrum, þ.e.a.s.), sem óvart "fann upp" pönkið. Lenny Kaye, einn af orginal Patti Smith Group meðlimunum, fór líka á kostum.

Aaaafar hár meðalaldur þarna líka! Fæstir þarna voru undir fertugu - er Patti Smith kannski hippi eftir allt saman? Veit ekki, hippar rokkuðu nú ekki SVONA mikið, allavega ekki eins og mig minnir.

Gaman að sjá hvað hún hafði líka gaman að þessu...alveg frábært gigg!